PEPELING

Wis wancine tansah dielingke

Wis wancine pada nindakake

Adzan wus kumandang wayahe sembahyang

Netepi wajib dhawuhe pangeran

Shalat dadi cagake agama

Limang wektu kudu tansah dijaga

Kanthi istiqomah lan sing tumakninah

Luwih sampurna yen berjamaah

Subuh luhur lan ashar

Shalat sayekti ngedohake tindak munkar

Maghrib lan isya’ jangkepe

Prayogane ditambah shalat sunate

Ja sembrana iku prentah agama

Ngelingana ning donya mung sedela

Sabar lan tawakal pasrah sing kuwasa

Yen kepengin besuk munggah suwarga